ഒരു രസകരമായ സംഭവം ആണ് ഇത്രയും നാളത്തെ എന്റെ പ്രവാസ ജീവിതത്തിൽ ഞാൻ ഇന്ന് സാക്ഷ്യം വഹിച്ചത് .
നമ്മൾ പ്രവാസികൾ മിക്കപ്പോഴും കേൾക്കുന്ന ഒരു വാക്കാണ് " സാലറി കട്ടിംഗ് പണിഷ്മെന്റ്"
ചിലപ്പോൾ അത് സ്വന്തം പണിയിലെ പാളിച്ചയിൽ , അല്ലെങ്കിൽ സ്വഭാവ ദൂഷ്യം കാരണം
( വെള്ളമടി , അടിപിടി , തെറി ... etc )
എന്നാൽ ഇന്ന് തികച്ചും വെത്യസ്ഥമായ പേരിൽ ആണ് സാലറി കട്ടിംഗ് നാല് ചെറുപ്പക്കാരായ നേപ്പാളികളെ തേടി എത്തിയത് ,എങ്ങനെ എന്നല്ലേ ഇനി അറിയേണ്ടത്
ഞാൻ കുറച്ചു ഹാസ്യ ഭാവനയിൽ പറയാം ഇല്ലെങ്കിൽ എനിക്ക് ആപ്പ് ആകും.
ഈ നോമ്പ് കാലത്തിൽ പൊതുവേ ആഹാരത്തിൽ ഉൾപെടുത്തുന്ന ഫ്രൂട്ട്സ് അയിറ്റങ്ങൾ കമ്പനിയുടെ അഭിവാജ്യ കുത്തക ബൂർഷാ മുതലാളിമാർക്ക് അവരുടെ ടേബിളിൽ കാലത്ത് 3 മണിക്ക് മുന്നേ കഴിക്കാൻ റെഡി ആക്കി വെക്കുന്നു പക്ഷെ ഫ്രൂട്ട്സ് അയിറ്റങ്ങൾ തങ്ങളുടെ ആവശ്യാനുശ്രിതം തികയുന്നില്ലാ എന്നത് മാത്രമല്ലാ ചിലപ്പോൾ കിട്ടാറുമില്ലാ എന്നീ ആരോപണങ്ങൾ ബൂർഷാ മുതലാളികൾ ഡൽഹി ഹൈക്കമാന്റിനെ അറിയുക്കുകയും ,വിവരം ആരാഞ്ഞ ഹൈക്കമാന്റിനു " ആരോപണം അടിസ്ഥാന രഹിതം " എന്ന് തുറന്നടിച്ചു കൊണ്ട് പാചക വിതക്ത സമിതി റിപ്പോർട്ട്‌ സമർപ്പിക്കുകയും ചെയ്തതോടെ പ്രശ്നം വഷളായി .
തിരിഞ്ഞും പിരിഞ്ഞും നോക്കാതെ നിചസ്ഥിതി അറിയുന്നതിനായി ഹൈക്കമാന്റ് CBI ( ചാന്ത് പൊട്ട് ബ്യുറോ ഇൻവസ്റ്റിഗേഷൻ ) അന്വേഷണത്തിന് ഉത്തരവിട്ടു , ഉത്തരവിട്ട മൂന്നാം നാൾ തന്നെ വേണ്ടപെട്ടവർ സത്യം വെളിയിൽ കൊണ്ടു വരുകയും ചെയ്തുതതോടെയാണ് ഒരു വലിയ സത്യം ചുരുളഴിഞ്ഞത് .
CBI ഹൈക്കമാന്റിനു നല്കിയ നാല് പേജ് ( അതിൽ മൂന്നു പേജ് കാലി ) വരുന്ന റിപ്പോർട്ടിൽ ചിലത് ചുവടെ കൊടുക്കുന്നു .
1) ഇതിൽ നാല് നേപ്പാളികളുടെ കറുത്ത കൈകൾ
2) പ്രതികൾക്ക് അധോലോക തീറ്റ പ്രാന്ത് ബന്ധം
3) ആരും ഇല്ലാത്ത തക്കം നോക്കി 2 am മുതൽ 2.30 am ഉള്ളിൽ കൈയിട്ട് വാരൽ
ഹൈക്കമാന്റ് ഈ റിപ്പോർട്ട്‌ ഫയലിൽ സ്വീകരിക്കുകയും വിധി പറയുന്നതിനായി മാറ്റി വെക്കുകയും ചെയ്തു
ഇതിനിടയിൽ ജഡ്ജ്ജിയെ സ്വാധീനിക്കാൻ ഉള്ള ശ്രമം അണിയറയിൽ ആണി അടിച്ചു കൊണ്ടിരുന്ന പാക്കരൻ പഠിച്ച പണി പതിനെട്ടും നോക്കിയിട്ടും നടന്നില്ല .
തെറ്റുകൾ ആർക്കും പറ്റും പക്ഷേ ആഹാരം അടിച്ചു മാറ്റിയ പേരിൽ ഇങ്ങനെ ഒരു വിധി വേണമോ എന്നാണ് പാക്കരന്റെ ചോദ്യം ?
അങ്ങനെ എല്ലാവരെയും ഞെട്ടിച്ചു കൊണ്ട് ഇന്ന് സുപ്രധാന വിധി വന്നു .
" വളരെ നീചവും , ശോചനീയവും ആയ പ്രവർത്തി ആണ് ഇവരുടെ ഭാഗത്ത്‌ നിന്നും ഉണ്ടായത്
അതിനാൽ പ്രതികളുടെ 3 Days സാലറി കട്ടിംഗ് ചെയ്യുന്നതായി ഈ കോടതി അറിയിക്കുന്നു .ഡും ഡും ഡും "
കോടതി വിധിയിൽ വിഭ്രബിമ്പിച്ച പാക്കരൻ ജഡ്ജ്ജിയെ ചെവിപൊട്ടുന്ന തരത്തിൽ ഉള്ള പുളിച്ച തെറികൾ കൊണ്ട് അഭിഷേകം ചെയ്തു എന്നാണ് CNN ഇന്നു കാലത്ത് റിപ്പോർട്ട്‌ ചെയ്യുന്നത് !!
