പ്രിയപെട്ട എന്റെ ഫേസ്ബുക്ക്‌ സുഹൃത്തുക്കളെ . ഞാന്‍ നിങ്ങളുടെ ഇടയില്‍ ഉള്ള ഒരാള്‍ മാത്രം എന്നെ നിങ്ങളില്‍ പലര്‍ക്കും അറിയാം എന്നാണ് എന്റെ വിശ്വാസം .ഇന്നുവരെ ഉള്ള എന്റെ ദുഃഖങ്ങള്‍ ഞാന്‍ ആരോടും പങ്കു വെച്ചിട്ടില്ലാ പക്ഷെ ഇപ്പോള്‍ ഉള്ള ഈ വേദന ഇല്ലാ , എന്റെ മനസ് അനുവദിക്കുന്നില്ലാ അത് പറയാൻ
ഈ വേദന എന്നെ ഒരു ഭ്രാന്തന്‍ ആക്കുന്നു . ആരെയും ഞാന്‍ മനസറിഞ്ഞു വേദനിപ്പിച്ചിട്ടില്ല പക്ഷെ എന്റെ മനസ് വേദനിപ്പിക്കാന്‍ വേണ്ടി മാത്രമാണോ ഈ ജന്മം ഒരു മനുഷ്യനായ് എന്നെ ജനിപ്പിച്ചത് ?
ഫ്രീ ഇലട്രോനുകളെ പോലെ നടന്ന എന്റെ മനസ്സില്‍ സ്വപ്നങ്ങള്‍ വട്ട പൂജ്യം മാത്രം .
സന്തോഷത്തിന്‍റെ നാളുകള്‍ മാത്രം ആയിരുന്നു അന്ന് എനിക്ക് .
ഇന്റര്‍നെറ്റ്‌ എന്ന മഹാസാഗരത്തില്‍ എന്നും മതിയാവോളം നീന്തി കളിക്കുന്ന ഒരു വെക്തി .
ആ ഇടക്കാണ്‌ ഫേസ്ബുക്ക്‌ വഴി ഞങ്ങള്‍ പരിജയപെടുന്നത്.
നല്ലൊരു മനസിന്‌ ഉടമ, അത് മാത്രം അല്ല ഒരു തമാശകാരി കൂടി ആയിരുന്നു ആ സുന്ദരി .
വല്ലപോഴും മാത്രം ഓണ്‍ലൈന്‍ ആകുന്ന ആ സുന്ദരി എന്റെ ഏറ്റവും വലിയ ഫ്രണ്ട് ആയിരുന്നു.
തികച്ചും വെത്യസ്ത മായൊരു ഫ്രണ്ട്.
കോളേജ് പഠനം നടത്തുന്നു, വീട്ടില്‍ അച്ഛന്‍ , അമ്മ .
ചേച്ചിയുടെ കല്ല്യാണം കഴിഞ്ഞു.ഇത്രയോക്കയാണ് എനിക്ക് മനസിലാക്കാന്‍ സാധിച്ചത്.
പിന്നെ പിന്നെ ഒരു പാടു നാളുകള്‍ നമ്മള്‍ ചാറ്റ് ചെയ്തു .ഓരോ ദിവസങ്ങള്‍ കഴിയും തോറും ആ ബന്ധം
കൂടുതല്‍ കൂടുതല്‍ ശക്തി പ്രാപിച്ചു വന്നു .മനസിന്‌ എന്തെന്നില്ലാത്ത സന്തോഷം ഒരു ദിവസം കാണാതെ ഇരുന്നാല്‍ മനസ് കൂടുതല്‍ വേദനിക്കും,
എന്നില്‍ എന്തൊക്കയോ മാറ്റങ്ങള്‍ ഞാന്‍ അറിഞ്ഞു തുടങ്ങി .
അവള്‍ ഓണ്‍ലൈന്‍ ആകുന്ന സമയത്തിനായ ഞാന്‍ കാത്തിരുന്ന ദിവസങ്ങള്‍ ഏറെ .
അവളും അത് പോലെ തന്നെ ഓണ്‍ലൈന്‍ ആയാല്‍ എനിക്ക് ഒരു മെസ്സേജ് എങ്കിലും അയക്കാതെ പോകുകയില്ല .
മെസ്സേജുകളും , ചാറ്റുമായ് മാസങ്ങള്‍ കടന്നു പോയ്‌
അവളോടുള്ള എന്റെ അതിയായ സ്നേഹവും , എന്നില്‍ നിന്നും അവള്‍ ഒരിക്കലും അകന്നു പോകാതിരിക്കാന്‍ ഒരായിരം കള്ളങ്ങള്‍ ഞാന്‍ അവളോട്‌ പറഞ്ഞു.
വീട് വെക്കാന്‍ വാങ്ങിയ സ്ഥലത്തിന്റെ കടങ്ങള്‍ തീര്‍ക്കാനും , ഒരു കൊച്ച് വീടും സ്വപ്നം കണ്ടു ഗള്‍ഫിലോട്ടു യാത്ര തിരിച്ച ഞാന്‍ അവളോട്‌ പറഞ്ഞ കള്ളങ്ങള്‍ ഓര്‍ക്കുമ്പോള്‍ എന്റെ കണ്ണുകള്‍ നിറയുന്നു .
ഒരു സമ്പന്ന കുടുംബത്തില്‍ ജനനം. ഇവിടെ എന്റെ കമ്പനിയില്‍ ഒരു വലിയ ജോലിയും , തരക്കേടില്ലാത്ത ശമ്പളവും , കൊട്ടാരം പോലൊരു വീട്ടില്‍ ആണ് താമസം എന്ന് പറഞ്ഞു ഞാന്‍ അവളെ എന്നില്‍ നിന്നും അകറ്റാതെ കൂടുതല്‍ എന്നിലോട്ടു അടിപ്പിക്കാന്‍ ശ്രെമിച്ചു.
കുറച്ച് നാളുകള്‍ അങ്ങനെ പോയ്‌. എനിക്ക് ഫോണ്‍ വിളിക്കാനുള്ള ആഗ്രഹം പറഞ്ഞപ്പോള്‍ ഫോണ്‍ നമ്പര്‍ തന്നു
പിന്നെ അങ്ങോട്ട്‌ ഫോണില്‍ കൂടെ യുള്ള ഇഷ്ട്ടങ്ങള്‍ പങ്കുവെച്ചു
അവള്‍ എന്നെ ഒരു പാടു സ്നേഹിക്കുന്നു എന്നു എന്റെ മനസ് മന്ത്രിച്ചു കൊണ്ടിരുന്നു,
അങ്ങനെ ഇരിക്കെ ഒരുദിവസം അതിരാവിലെ എന്റെ മൊബൈല്‍ ഫോണ്‍ എന്നെ വിളിച്ചുണര്‍ത്തി .
സമയം പുലര്‍ച്ചെ 4.30 . അത് അവളുടെ കാള്‍ ആയിരുന്നു.
" ഞാന്‍ നാളെ മോര്‍ണിംഗ് അമേരിക്കയില്‍ പോകുന്നു"!
ഹ ഹ ഹ തമാശ പറയാനാണോ ഇവള്‍ എന്നെ ഈ രാവിലെ കാള്‍ ചെയ്തത് എന്നോര്‍ത്ത് ഞാന്‍ ചിരിച്ചു.
"എന്താ കുരങ്ങി രാവിലെ പിച്ചും പേയും പറയുന്നത് ?"
'"അയ്യോ ആല്ലാ സത്യം ഞാന്‍ നാളെ പോകും അച്ഛന്‍റെ കൂടെയാണ് പോകുന്നത്, ഇനി ഞാന്‍ അവിടെ എത്തിയിട്ട് കാള്‍
ചെയാം . ഓക്കേ ബൈ .""
ഞാന്‍ പിന്നെ കാള്‍ ചെയ്തപ്പോള്‍ മൊബൈല്‍ സ്വിച്ച് ഓഫ്‌ .
മൂന്നു ദിവസം കഴിഞ്ഞു ഒരു മിസ്സ്‌ കാള്‍ വന്നു അതെ അമേരിക്കന്‍ ഫോണ്‍ കോഡ് .അടുത്ത നിമിഷം തന്നെ അവള്‍ എന്നെ കാള്‍ ചെയ്തു . ഞാന്‍ ഉറപ്പിച്ചു എന്നോട് കള്ളം പറഞ്ഞത് അല്ല . എല്ലാം സത്യം തന്നെ.
""ഹെലോ ,എന്നെ മറന്നോ ?"""
""ഇല്ലാ, ഞാന്‍ എങ്ങനെ മറക്കും? ഒന്നും പറയാതെ പോയതല്ലേ "'
"അയ്യോ സോറി, എല്ലാം പെട്ടന്നായിരുന്നു അതാ പറയാന്‍ പറ്റാത്തെ "
"ഇവിടെ എന്റെ ജോലി സംബന്ധമായ ഒരു ആവശ്യത്തിനു വന്നതാ , ഞാൻ പിന്നെ വിലിക്കാട്ടോ ബീപ് ബീപ് ബീപ് കാൾ കട്ട് ചെയതു "
ദിവസങ്ങള്‍ ഓരോന്നായ് പിന്നിടുന്നു. ഒരു മിസ്സ്‌ കാളില്‍ എല്ലാം ഒതുങ്ങുന്നു ഓണ്‍ലൈന്‍ ആകുന്ന ഈ സുന്ദരി പെണ്ണ് എന്നെ മറന്നു തുടങ്ങി.
ചാറ്റ് ഇല്ലാ , SMS ഇല്ല , കാള്‍ ചെയ്‌താല്‍ " ബിസി "ആ എന്നു പറഞ്ഞു കട്ട് ചെയ്യും .
പുതിയ നാട് , പുതിയ കൂട്ടുകാര്‍ ,പുതിയ സംസ്ക്കാരം , എല്ലാമായപ്പോള്‍ എന്നെ മറന്നതാകും
അങ്ങനെ ഇരിക്കെ ഒരു ദിവസം എന്നെ കാള്‍ ചെയ്തു .
"ഹെലോ സോറി കേട്ടോ ഞാന്‍ കുറച്ച് തിരക്കില്‍ ആയിരുന്നു .അതാ "
"ഓ അത് സാരമില്ല , ഞാന്‍ കരുതി എന്നെ മറന്നുകാണുമെന്നു "
"അതെന്താ അങ്ങനെ പറയുന്നത് ! ഞാന്‍ എന്റെ ജോലി ചെയ്യാനല്ലേ വന്നത് ,എന്നോട് ഇന്നുവരെ ചോദിച്ചിട്ടുണ്ടോ എന്റെ JOB എന്താ എന്ന്?"
അതിനു എനിക്ക് കഴിഞ്ഞില്ല എന്നത് സത്യം തന്നെ
" ഓ , sorry അത് വിട്ടു പോയ്‌ ,എന്താ ജോലി ? "
" എന്റെ പേര് കാവ്യാമാധവൻ , ഒരു സിനിമാ നടി ആണ് . "
ഇത് കേട്ടതും ഞാൻ അങ്ങ് തരിച്ചു പോയ്‌ ,
ങേ , സിനിമാനടിയോ
.
.
.
.
.
ഡാ , ഡാ സതീഷേ നീ ഇന്ന് ഡ്യൂട്ടിക്ക്‌ പോകണില്ലേ ?
എണീച്ച് പോടാ , നീ ഇന്നലെ " കക്കാൻ " പോയിരുന്നോ ഇങ്ങനെ കിടന്ന് ഉറങ്ങാൻ ?
റൂമിലെ അന്തേവാസി ശ്രി ബിനു അവർകളുടെ അട്ടഹാസം .
കണ്ണ് തുറന്ന് നോക്കാൻ പറ്റുനില്ല കണ്ണു നിറയെ കാവ്യാമാധവൻ
നശിപ്പിച്ചു , എല്ലാം കൊളമായ് ക്ലൈമാക്സിൽ എത്തിയപ്പോൾ തന്നെ എല്ലാം നശിപ്പിച്ചു .
പിന്നെ കട്ടിലിൽ നിന്നും എണീച്ച് ബാത്‌റൂമിൽ ഒരോട്ടം ....
ഫ്രഷ്‌ ആയി വന്നിട്ടും കാവ്യാമാധവനെ സ്വപ്നത്തിൽ ആണെങ്കിലും നേരിൽ കണ്ടില്ലല്ലോ എന്ന ഒരു വിഷമം മനസ്സിൽ ഉണ്ടായിരുന്നു .
ഡ്രസ്സ്‌ എല്ലാം ചേഞ്ച്‌ ചെയ്ത് റൂം തുറന്നു വെളിയിൽ ഇറങ്ങിയതും ആ പൂതി തീർന്നു
അര മുറി തോർത്തും ഉടുത്തു കൊണ്ട് ഒരു ബംഗാളി എന്റെ മുൻപിലായി നടന്ന് പോകുന്നു .
കാണാൻ കൊതിച്ചത് കാവ്യാമാധവനെ, കണ്ടത് ബംഗാളിയുടെ കുണ്ടിയും .
സന്തോഷമായ് ഗോപികേട്ടാ സന്തോഷമായ് !
No comments:
Post a Comment
പറയാനുള്ളത് അങ്ങ് പറഞ്ഞേക്ക് മാഷെ