തിരുവനന്തപുരക്കാരുടെ നിധി ??

ആയിരം കോഴിക്ക് 'അരക്കാട' എന്നാണല്ലോ പറയുന്നത് , ആ കണക്ക് വെച്ച് നോക്കിയാല്‍ ഞാൻ ഇന്നലെ മൂവായിരം കോഴിയെ തിന്നു , അതിന്റെ വാട്ടം ആണെന്ന് തോന്നുന്നു ഒരു മ്ളാനത ഇന്നു രാവിലെ മുതലേ എന്നെ വല്ലാതെ അലട്ടുന്നുണ്ടായിരുന്നു
അങ്ങനെ Duty ൽ ഇരുന്നു FB നോക്കി അയവിറക്കുമ്പോൾ ഒരു SUPPLIER ഡ്രൈവർ കുറച്ചു സാധനങ്ങളും ആയി വന്നു.
ആദ്യമായി Delivery കൊണ്ട് വരുന്ന ആൾ ആണെന്ന് കണ്ടപ്പോൾ തന്നെ മനസിലായി
പേപ്പർ ഡോക്യുമെന്റ്സ് എല്ലാം കൊണ്ട് എന്റെ കയ്യിൽ തന്നു പറഞ്ഞു

"" ഇതു ഇവിടെ തന്നാൽ മതിയോ ? ""

ഞാൻ പറഞ്ഞു

"" ഇവിടെ വെയിറ്റ് ചെയൂ Quality approve ചെയുവാൻ കുറച്ചു Time എടുക്കും""
.
പുള്ളിക്കാരാൻ മലയാളി ആയതു കൊണ്ട് തന്നെ നമ്മൾ പ്രവാസി മലയാളികൾ 95% പേരും പരസ്പരം പരിജയ പെടുമ്പോൾ ചോതിക്കുന്ന ആദ്യ ചോദ്യം എന്നോടും ചോതിച്ചു

എവിടെയാ നാട്ടിൽ ?

ഞാൻ :- "" തിരുവനന്തപുരം ""

ഡ്രൈവർ ചേട്ടായി :- "" ഓ , അത് ശെരി നിങ്ങളുടെ നാട്ടിൽ അല്ലെയോ സ്വർണ്ണ നിധി കിടക്കുന്നത് "" ( ശ്രീപദ്മനാഭസ്വാമിക്ഷേത്ര നിധി ആണ് പുള്ളിക്കാരൻ ഉദേശിച്ചത്‌ എന്ന് പിന്നെ മനസിലായി )

ഞാൻ :- "" അതെ നമ്മുടെ നാട്ടിൽ തന്നെ ""

ഡ്രൈവർ ചേട്ടായി :- "" ഈ സ്വർണ്ണം എല്ലാം എടുത്തു വിറ്റ് പാവപെട്ട നാട്ടുകാർക്ക് വീതിച്ചു കൊടുക്കണം അതാണ്‌ GOVT ചെയ്യേണ്ടത് .""

ഇതു കേട്ടതും ഞാൻ പുള്ളിക്കാരന്റെ മുഖത്ത് അന്താളിച്ചു നോക്കി എന്റെ പള്ളി ഞാൻ ഇവിടെ ദുബായിൽ കമ്പനി വിസയിൽ ജോലി ചെയുംമ്പോൾ ( ? ) എവിടെയോ കിടക്കണ സ്വർണ്ണം വിൽക്കാൻ പറഞ്ഞു എന്നെ കൂടെ വട്ടാക്കുമോ എന്നായി എന്റെ ചിന്ത
ഞാൻ ഇതെല്ലാം കേട്ട് മിണ്ടാതെ ചിരിച്ചു കൊണ്ടിരുന്നു .
( ഡ്രൈവർ ചേട്ടായി പണ്ട് ഏതോ പ്രൈവറ്റ് ബസ്സ്‌ സ്റ്റാൻഡിൽ അനോൻസ്മെന്റ് ജോലി ആയിരുന്നു എന്നാണ് എനിക്ക് തോന്നിയത് നിർത്താതെ സംസാരിച്ചു കൊണ്ടേരിക്കുന്നു )
പിന്നെയും ഇടക്ക് ഇടക്ക് ഡ്രൈവർ ചേട്ടായി ഓരോ ചോദ്യം എന്നോട് ചോതിക്കും എല്ലാം ശ്രീപദ്മനാഭസ്വാമിക്ഷേത്രത്തിന്റെ നിധിയെ കുറിച്ച് , എനിക്കാണേൽ ഇതിനൊന്നും ഉത്തരം നൽകാൻ ഉള്ള ബുന്ധിയില്ലാത്തത് കൊണ്ട് അതുകൊണ്ട് തന്നെ എന്റെ evergreen അടവ് ഞാൻ പഴറ്റി 32 പല്ലുകളും ഓരോ ചോദ്യത്തിനും ഞാൻ വെളിയിൽ കാണിച്ചു കൊണ്ടേ ഇരുന്നു .

 

" സുപ്രീംകോടതി പ്രഖ്യാപിച്ചത് ഇടക്കാല വിധിയാണ് ചക്കയാണ് , മാങ്ങയാണ്‌ ..എന്റെ പോന്നു ഡിങ്ക ഭഗവാനെ എനിക്കറിയില്ലാ എന്താ ഞാൻ ഇപ്പോൾ ചെയുകാ നിനക്ക് എന്നെ അങ്ങ് " പങ്കില കാട്ടിലോട്ടു " എടുത്തുകൂടെ എന്ന മട്ടിൽ ഞാനും ""
അപ്പോഴും എനിക്ക് മനസിലാകാത്തത് തിരുവനന്തപുരക്കാർക്ക് ഇല്ലാത്ത എന്ത് ധെണ്ണമാ ഇപ്പോൾ മൂപ്പർക്ക് ?
അതോ നിധി എന്ന് കേട്ട് വട്ടയതാണോ ?
ഇങ്ങനെ എന്തൊക്കെയോ എന്റെ മനസ്സിൽ ചിന്തിച്ചു കൊണ്ടിരുന്നപ്പോൾ ആണ് അടുത്ത ചോദ്യം വന്നത് .

 
"" ഈ സ്വർണ്ണം രാജകുടുംബം കടത്തി എന്നു കേട്ടപ്പോൾ സതീഷിനു എന്താ തോന്നിയത് ? ""

ഇത്രെയും ഞാൻ കേട്ടതും , എന്നോട് ചോതിച്ചത് ഒന്നും പോരാ പുള്ളിക്കാരന് ,
ഗതി കെട്ട ഞാൻ പറഞ്ഞു
" അണ്ണാ ഈ ഇരിക്കുന്ന സ്വർണ്ണം എല്ലാം എന്റെ കുഞ്ഞമ്മയുടെ വീട്ടിൽ ഇരിക്കുന്നത് അല്ലാ ഞാൻ ഇതിനു അഭിപ്രായം പറയാൻ "

ഇതു കേട്ടതും ഡ്രൈവർ ചേട്ടായി കസേരയിൽ നിന്നും എണീച്ചു ഞാൻ വെളിയിൽ വണ്ടിയിൽ ഇരിക്കാം എന്നും പറഞ്ഞു ഒരു പോക്ക്

കാട ഇറച്ചി തിന്നതിനെ ക്ഷീണം അതോടെ മാറികിട്ടി