മനസിലായില്ല അല്ലേ ,
...ഒരു പക്ഷെ ഞാന്‍ ഈ പറയുന്നത് നിങ്ങള്‍ക്ക് ഉപകാരം ആയാലോ
ഞാന്‍ ഒരു ഉപകാരം ചെയ്തതാ ഹി ഹി ഹി
വിഷയം നിസാരം എന്നാലും എനിക്ക് നല്ലൊരു പണിയാ തന്നത്. സംഭവം ചുരിക്കി പറയാം .
സമയം ഏതാണ്ട് 1.30 PM ആയി ഡ്യൂട്ടി ടൈം വാറ്റി തിരിഞ്ഞു ഓഫീസില്‍ ഇരുന്നപ്പോഴാണ് സെക്യൂരിറ്റി വന്നു പറഞ്ഞത് വെളിയില്‍ നിന്നു ഒരു ഇന്ത്യക്കാരന്‍ എന്തോ പറയുന്നു സതീഷ്‌ എന്താ എന്നു വന്നു ചോതിക്കു. സെക്യൂരിറ്റി ഫിലിപ്പിനി ആ ( ഈ സെക്യൂരിറ്റി ആള് പുലിയാ കേട്ടോ ഡ്യൂട്ടി ടൈമില്‍ മാത്രം ഉറക്കം വരുന്ന ഒരു ജീവിയാണ് കക്ഷി ) . അതാരാടാ ഈ സമയത്ത് വല്ല ഡെലിവറി വന്നതാണോ എന്നു മനസ്സില്‍ പറഞ്ഞു കൊണ്ട് വെളിയില്‍ ചെന്നപ്പോള്‍ ഏതാണ്ട് മുപ്പതു വയസു വരും ഒരാള്‍ എന്നെ നോക്കി ചിരിക്കുന്നു. ചിരിച്ച സ്ഥിതിക്ക് വിട്ടു കൊടുത്തില്ല ഞാനും ചിരി അങ്ങ് പാസ്സാക്കി . എന്താ എന്ത് പറ്റി എന്ന എന്‍റെ ചോദ്യത്തിന് മുന്പേ പുള്ളി എനിക്ക് ഉത്തരം തന്നു.
ഭായ് എന്നെ ഒന്ന് സഹായിക്കണം ഞാന്‍ ഇന്നു ഉച്ചക്ക് ആഹാരം കഴിച്ചിട്ടില്ലാ എനിക്ക് ഒരു പത്തു ദിര്‍ഹം വേണം.
എന്നെ കണ്ടാല്‍ മലയാളി ലുക്ക് തന്നെ അത് ഞാന്‍ വീണ്ടും ഉറപ്പിച്ചു അല്ല എങ്കില്‍ എന്നെ കണ്ട ഉടനെ പുള്ളി മലയാളം വെച്ചു കാച്ചുമോ ??????? ( എന്‍റെ സൗന്ദര്യം കണ്ടു മൂത്ത ചില തെണ്ടികള്‍ പറയുന്നു ഞാന്‍ ഒറ്റ നോട്ടത്തില്‍ ഇന്ത്യക്കാരന്‍റെ ലുക്ക് പോലും ഇല്ലാ എന്നു,,, ആ വിട്ടു കളയാം അസൂയക്കും കുശുഭിനും സായിപ്പന്മ്മാര്‍ മരുന്ന് കണ്ടു പിടിച്ചിട്ടില്ലല്ലൊ, ഇനി എങ്ങാനും കണ്ടു പിടിച്ചാല്‍ ആദ്യ ഓര്‍ഡര്‍ ഞാന്‍ കൊടുക്കും അങ്ങനെ എങ്കിലും ഇവന്മാര്‍ നന്നാവട്ടെ )
ഞാന്‍ ചോദിച്ചു എവിടെയാ WORK ചെയുന്നത് ?
ഞാന്‍ അജ്മാനിലെ ഒരു കമ്പനിയില്‍ ആ വര്‍ക്ക്‌ ചെയുന്നത് എന്‍റെ കമ്പനി വണ്ടി ഇതു വരെ വന്നിട്ടില്ല ഞാന്‍ ആഹാരം കൊണ്ട് വന്നില്ല പ്ലീസ്‌ ഭായ് ഒരു പത്തു ദിര്‍ഹം തരണം .
ചോതിച്ച സ്ഥിതിക്ക്പത്തു ദിര്‍ഹം കൊടുക്കാം ആഹാരം കഴിക്കാന്‍ അല്ലേ . കയ്യില്‍ പത്തു ദിര്‍ഹം ചേഞ്ച്‌ ഇല്ലാത്തത് കൊണ്ട് ഞാന്‍ പുള്ളിയോട് പറഞ്ഞു ഭായ് .ആഹാരം കഴിക്കാന്‍ അല്ലേ, ഇവിടെ അപ്പുറത്ത് ഒരു ഹോട്ടല്‍ ഉണ്ട് ഞാന്‍ അവിടെ കാള്‍ ചെയ്തു പറയാം അവിടെ പോയ്‌ ആഹാരം വാങ്ങി കഴിച്ചോളു അങ്ങനെ എന്‍റെ പേരും ചോതിച്ചു കഷി ഹോട്ടലിലേക്ക്.
അപ്പോള്‍ തന്നെ ഞാന്‍ ഫോണ്‍ ചെയ്തു ഹോട്ടലില്‍ നമ്മുടെ ബഷീര്‍ കാക്കയാ ഫോണ്‍ എടുത്തത്‌.
ബഷീര്‍ കാക്ക ഒരാള്‍ അവിടെ വരും അയ്യാള്‍ക്ക് ആഹാരം കൊടുക്ക്‌ കാശ് ഞാന്‍ പിന്നെ തരാം എന്നും പറഞ്ഞു കാള്‍ കട്ട്‌ ചെയ്തു വീണ്ടും ഡ്യൂട്ടിയില്‍ വാറ്റി തിരിയാന്‍ കേറി ..
അങ്ങനെ അടുത്ത ദിവസം ഹോട്ടലില്‍ ആ പുള്ളി കഴിച്ച ആഹാരത്തിന്‍റെ കാശ് കൊടുക്കാന്‍ ചെന്നു അപ്പോഴാ അജ്മാനിലെ അണ്ണന്റെ തനിനിറം അറിഞ്ഞത് .
അണ്ണന്റെ കഴിപ്പ്‌ ഇങ്ങനെ ഊണിനു പകരം ചിക്കന്‍ ബിര്യാണി അതിന്‍റെ കൂടെ 7 up .അതും പോരാഞ്ഞിട്ട് അണ്ണന്‍ ഒരു റെഡ്ബുള്ളും അടിച്ചു, ഗ്യാസ് വരാതിരിക്കാന്‍ ആകും ഒരു ലെബന്‍ അപ്പ്‌ കൂടെ എടുത്താ പോയത്.
ഒരു ഉപകാരം ചെയ്തപ്പോള്‍ കിട്ടിയ പ്രതിഭലം നോക്കണേ .അതും ഒരു പരോപകാരിയും ,സത്യവാനും ,സുശീലനും സല്‍സ്വഭാവിയും നിഷ്കളങ്കനും അതില്‍ ഉപരി ഒരു പെണ്‍കുട്ടികളെ പോലും വായ്‌ നോക്കി നില്‍ക്കാത്ത അവിവാഹിതനായ 25 വയസു മാത്രം പ്രായമുള്ള ചുറുചുറുക്കുള്ള ചെറുപ്പക്കാരനായ (ഇതു വായിക്കുന്ന അവിവാഹിതയായ മലയാളി പെണ്‍കുട്ടികളില്‍ നിന്നും വിവാഹ ആലോചനകള്‍ ക്ഷണിക്കുന്നു ,, ഹി ഹി ഹി ഒരു വെടിക്ക് രണ്ടു പക്ഷി വാട്ട്‌ ആണ്‍ ഐഡിയ സര്‍ജി, എന്നെ സമ്മതിക്കണം )
ഒരു പാവം മലയാളി ആയ എന്നോട് തന്നെ ഇങ്ങനെ ചെയ്തല്ലോ
ഇതു വായിച്ചു നിങ്ങള്‍ക്ക് ചിരി ആകും വരുന്നത്
ഇന്ത്യന്‍ മണി എന്‍റെ 350 രൂപയില്‍ കൂടുതല്‍ ആ എനിക്ക് പോയത് :-(
350 രൂപ ഉണ്ടാക്കാന്‍ എന്തോരം കഷ്ട്ടപെടണം
350 രൂപ ഉണ്ടെങ്കില്‍ എന്തൊക്കെ ചെയ്യാം
350 രൂപ ഉണ്ടെങ്കില്‍ എന്തോരം ഏത്ത പഴം പുഴുങ്ങി തിന്നാം
350 രൂപ ശരാശരി മനുഷ്യന്‍ ഉണ്ടാക്കണം എങ്കില്‍ എന്തോരം ത്യാഹങ്ങള്‍ അനുഭവിക്കണം
( കടപ്പാട് "വെട്ടം" എന്ന ദിലീപ് സിനിമ )
എനിക്ക് പണി കിട്ടി സൂക്ഷിച്ചോ സുഹൃതുകളെ ഈ മലയാളി അണ്ണന്‍ നിങ്ങളുടെ മുന്നിലും വരാം
എന്തായാലും ഈ മലയാളി അണ്ണനോട് എനിക്ക് പറയാന്‍ ഉള്ളത് ഇത്ര മാത്രം
"നിങ്ങളെ ഞാന്‍ നമിച്ചണ്ണാ നമിച്ച്‌ ."
No comments:
Post a Comment
പറയാനുള്ളത് അങ്ങ് പറഞ്ഞേക്ക് മാഷെ